काठमाडौं । निर्देशक शोभित बस्नेतको पारिवारिक टेलिसिरियल ‘कुल खानदान’ को ट्रेलर सार्वजनिक भएको छ । रमाइलो टिभीको प्रस्तुति रहेको सिरियल दशैदेखि प्रशारण हुने निर्देशक बस्नेतले जानकारी दिएका छन् ।
पारिवारिक जीवनको आरोह अवरोह प्रस्तुत गरिने ‘कुलखानदान’मा नीर शाह, सपना श्रेष्ठ, उत्तम केसी, रोहित रुम्वा, बिशाल पहाडी, शुभेच्छा थापा, अस्मिता जुरेली, संगमभण्डारीलगायत नवअभिनेत्री काब्या कार्की र बाल कलाकार एन्जिल रोकायको अभिनय छ ।
सलिनाबस्नेत कार्यकारी निर्माता रहेको सिरियल राहुल राईले खिचेका हुन् । रामकाजी घिमिरेले लेखेको सिरियल बन्दे प्रसादले सम्पादन गरेका छन् । टेलिसिरियल भएता पनि ‘कुल खानदान’लाई फिल्मीभब्यता दिइएको निर्देशक बस्नेतको दावी छ । झण्डै साढे दुई दर्जन फिचर फिल्म निर्देशन गरिसकेका निर्देशक बस्नेत ‘कुल खानदान’ ले दर्शकमाझ नौलो छाप छोड्नेमा आशावादी छन् ।
