काठमाडौं । गायक दिपक तिवारीको स्वर रहेको ‘मानिसको चोला’ को म्युजिक भिडियो सार्वजनिक भएको छ । संगीतकार विकाश चौधरीको संगीत तथा एरेन्ज रहेको सार्वजनिक गीतमा गायक स्वमको शब्द रहेको छ । भिडियोमा केवल भुजेल र मोडल सोनी परियारको अभिनय रहेको छ । म्युजिक भिडियोलाई सागर चौहान (किरण )ले निर्देशन गरेका छन् ।
भिडियोमा गणेश सापकोटाको छायांकन, नेत्र गुरुङको सम्पादन तथा कलर छ । ग्लोबल नेपाली मिडियाको प्रस्तुतिमा निर्माण भएको भिडियो नेपालको सुन्दर पोखराको एक माझी परिवार मा अन्तर जातीय बिबाह पछि समाज भोग्नु पर्ने कथा प्रस्तुत गर्न खोजिएको छ ।
गायक तिवारी नेपाल मुलका अमेरिकाका नागरिक हुन् । उनी बिगत १५ बर्ष देखि उतै बसोबास गर्दै आईरहेका छन् । उनले कलेक्सन एल्बम गरि हाल सम्म ४ दर्जन भन्दा बढीमा आफनो स्वर दिईसकेका छन् ।
गायक तिवारीले पछिल्लो म्युजिक भिडियो पछिल्लो तिहारमा ‘झिलीमिलि’ बोलको भिडियो सार्वजनिक गरेका थिए जुन छोटो समयमा राम्रो युटुबमा भियुज पाएको थियो ।
