काठमाडौं । गायिका अञ्जु पन्तको रहेको ‘ठेकीभित्र मदानी’को बोलको गीतको भिडियो रिलिज गरिएको छ । अञ्जुलाई ‘तिम्रो मनको माझमा’, ‘प्रेमको भिखारी’ र ‘शकां नगर’ गीतका गायक गगन सरगमले साथ दिएका छन् । ‘म त मर्छु क्यारे’ गीतका श्रष्टा निम संगीतले गाउँघरको लोक शैलीमा अत्यन्त मीठो संगीत र एरेन्ज गरेका छन ।
ठेकी, भकारी, बुईकल, मदानी जस्ता ठेट नेपाली शब्दहरुलाई समेटी सञ्चारकर्मी, गायक तथा रचनाकार कपिल कस्पालको शब्द रचना रहेको गीतमा केकी अधिकारीले मोडल विजु पार्कीसँग ठुम्का लगाएकी छन् ।
सुब्रतराज आचार्यले निर्देशन गरेको भिडियोको छायाँकन नवराज उप्रेतीले गरेका हुन् । सुरेश बसेलको कोरियोग्राफी र नविन निरौलाको सम्पादन रहेको छ । गीतलाई म्युजिक नेपालको च्यानलमा हेर्न सकिन्छ ।
