काठमाडौं । अभिनेता तथा मोडल नाजिर हुसेन फिचर्ड ‘प्रेम गर्ने जन्तर’ बोलको गीतको भिडियो सार्वजनिक भएको छ । भिडियोको संगीत र शब्दको लोक फ्लेवर र गीतको कोरियोग्राफी आकर्षक छ । साथमा नाजिरको बेजोड अभिनय र नृत्य त छदैछ । नाजिरकासाथ तालमा ताल मिलाई सरुसा महर्जनले कम्मर मर्काएकी छिन् । यस पटक नाजिर नवमोडल सरुसाकै पछि प्रेम पार्ने जन्तरसहित लागि परेका छन् ।
भिडियोमा नाजिरको प्रेम प्रस्तावका लागि शब्द र संगीतको सिर्जना किरण पहाडीले गरेका छन् । नाजिरको भावलाइ स्वरको स्वरूप दीपक महर्जनले दिएका हुन् ।
कोरियोग्राफी महेन्द्र निरौला र ब्रिहस्मन सुनुवारको छ । रोशन श्रेष्ठको निर्देशनमा तयार भएको यस गित हरि घले मगरले खिचेका हुन् भने सम्पादन सुरेश बाडेले गरेका छन् ।
