मुम्बई(एजेन्सी) । भारतको सबैभन्दा प्रतिष्ठित प्रोडक्सन हाउस यशराज फिल्मस्को ५० औं वर्षगाँठ धुमधामका साथ मनाउने तयारी शुरु भइसकेको छ । जहाँ आदित्य रोय कपूर आफ्नो फिल्म स्टुडियोका साथ नयाँ फिल्म लक गर्ने दिशामा अग्रसर भइरहेका छन् । हाल उनको टिम बलिउडका नामी अभिनेता र अभिनेत्रीका साथ विशेष अन्तरवार्ता लिने काम गरिरहेको छ ।
समाचार अनुसार यशराज फिल्मस्ले आगामी अप्रिलमा बलिउडका स्टारहरु सलमान खान, शाहरुख खान, ऋृतिक रोशन, रणवीर सिंह, दीपिका पादुकोण र कैटरीना कैफका साथ एक ठूलो बजेटको फिल्म घोषणा गर्ने तयारीमा छ । यशराज प्रोडक्शन शाहरुख खानका साथ मेगा बजेटको एक्सन फिल्म बनाउने तयारीमा जुटेको छ ।
सुपरस्टारका साथ ठूलो फिल्मका अलावा प्रोडक्सन हाउस सुपरस्टारको एक्सक्लुसिभ अन्तरवार्ता लिने तयारीमा पनि छ । हाउसले सलमान खान, शाहरुख खान, ऋृतिक रोशनदेखि लिएर रणवीर सिंह, दीपिका पादुकोण र कटरिना कैफको अन्तरवार्ता लिएर यशराज प्रोडक्सनमा काम गर्दाको अनुभव शेयर गराउने योजना पनि बनाएको छ । यशराजले आगामी प्रोजेक्टको नाम ‘प्रोजेक्ट ५०’ राखेको छ ।
सलमानले यशराज प्रोडक्सनको सुपरहिट ‘टाइगर’ फ्रेन्चाइजीको तेस्रो सिक्वेलका लागि पनि सहमती जनाइसकेका छन् । जसको छायांकन आगामी वर्षको फेब्रुअरीबाट शुरु हुनेछ । त्यस्तै शाहरुख ‘वार’ निर्देशक सिद्धार्थ आनन्दका साथ एक एक्सन ड्रामको तयारीमा छन् । यी महंगा दुई बजेटका फिल्मका लागि आदित्य चोपडाले कुनै कसर बाँकी नराख्ने भारतीय सञ्चारमाध्यमले जनाएका छन् ।
