काठमाडौं । गायिका रेखा शाह भन्नासाथ धेरैले उनको लोकप्रिय गीत ‘सिमसिमे पानीमा’ सम्झन्छन् । लकडाउनको समयमा घरमा नै अध्ययन तथा संगीत साधनमा व्यस्त गायिका शाहले लकडाउनको मौका पारेर ‘मौन’ सार्वजनिक गरेकी छिन् । गत वैशाखको पहिलो साता ‘जिन्दगीको अर्थ खोज्न कहाँ जाऊँ साथी’ बोलको गीत सार्वजनिक गरेकी उनले लकडाउनकै समयमा अर्को गीत ल्याएकी हुन् ।
गीतमा भुपेन्द्र खड्काको शब्द तथा हरि लम्सालको संगीत छ । गीतमा फणिन्द्र राईको एरेन्जमेन्ट छ । नितिन चन्दले निर्देशन गरेको भिडियोमा रेखा फिचर्ड छिन् । भिडियोमा रुपेश थापाको सम्पादन तथा छायांकन र सुफी सुनुवारको मेकअप छ ।
समाजसेवामा पनि सक्रिय रेखाले हालसम्म आधुनिक र पप शैलीका ३ वटा एल्बमहरू श्रोता र दर्शकमाझ ल्याइसकेकी छन् ।
