मुम्बई(एजेन्सी) । लग्जरी कारको सोख कसलाई नहोला र । बलिउडका केही कलाकार पनि महंगो कारका सौखिन छन् । उनीहरुको ग्यारेजमा एक से एक लग्जरी कारहरु छन् । यहाँ केही कलाकारको लग्जरी कार र त्यसको मूल्यका बारेमा चर्चा गरिएको छ ।
अभिनेता आमिर खानसँग सानदार कारको कलेक्सन नै छ । उनी मर्सिडिज एस ६०० चलाउन रुचाउँछन् । भारतका पूर्व प्रधानमन्त्री मनमोहन सिंह र अर्बपति मुकेश अम्बानीपछि आमिर मर्सिडिज कारको तेस्रो मालिक हुन् । यो कारको मूल्य १० करोड पर्दछ । किङ अफ रोमान्स शाहरुख खानसँग पनि सानदार गाडीको कलेक्सन छ । उनीसँग बीएमडब्ल्यूदेखि लिएर ओडी, मर्सिडिज जस्ता रोयल कार छन् । उनको प्रिय गाडी बुगाटी वेयरनको मूल्य १२ करोड रुपैंयाँ हो ।
बलिउड स्टार सलमान खानको ग्यारेजमा ओडी क्यू ७, बीएमडब्ल्यू ७ सीरीज र रेन्ज रोवरलगायतका कार छन् । सको मूल्य २ करोडदेखि ४ करोडसम्म पर्छ । बलिउड बीग बी अमिताभ बच्चन पनि महंगो कारका पारखी हुन् । बच्चन परिवारसँग २० भन्दा बढी कार छन् । उनको ग्यारेजमा रेन्ज रोवर, बीएमडब्ल्यू, मर्सिडिज बेन्ज, रोल्स रोयज फेटमलगायतका कार छन् । रोल्स रोयस फेटमको मूल्य ३ दशमलब ४ करोड रुपैंयाँ पर्दछ ।
बलिउडका खेलाडी कुमार अर्थात अक्षय कुमारसँग मर्सिडिज बेन्ज, बेन्टली, पोर्श कैनी र फेरारीजस्ता कार छन् । असीन स्टारर फिल्म ‘खिलाडी ७८६’ को गीत ‘लङ ड्राइभ’मा प्रयोग भएको रातो रंगको फेरारी अक्षयकै गाडी हो । फिल्म ‘सुपर ३०’ स्टार ऋतिक रोशनसँग मर्सिडिज बेन्जदेखि बीएमडब्ल्यू, जगुआर र रेन्ज रोवरजस्ता कार छन् । उनीसँग सबैभन्दा महंगो कार पोर्श कैयेन छ, जसको मूल्य ७ करोड पर्दछ ।
फिल्म ‘धूम’ स्टार जोन अब्राहम कार र बाइकको सौखिन हुन् । उनीसँग लैम्बोर्गिनी गैलारडो कार छ, जसको मूल्य २ करोड रुपैंयाँ पर्दछ । अर्का अभिनेता अजय देवगनसँग टोयोटो सेलिका, बीएमडब्ल्यू जेड ४, फेरारी र रेन्ज रोवरजस्ता कार छन् । जसको मूल्य करोडौं पर्दछ । कपूर परिवारका युवा र प्रतिभावान अभिनेता रणवीर कपूरसँग ओडी आर ८ लगायतका कार छन् । जसको मूल्य २ करोड पर्दछ ।
