मुम्बई(एजेन्सी) । बलिउड अभिनेता सलमान खानको चर्चित फिल्म फ्रेन्चाइजी ‘दबंग’ अब एक एनिमेटेड सिरिजका रुपमा दर्शकमाझ आउने भएको छ । सिरिजमा सुपर कप चुलबुल पाण्डे(सलमान खानद्वारा निभाइएको भूमिका)सहित छेदी सिंह(सोनु सुदले निभाएको भूमिका), रज्जो(सोनाक्षी सिन्हा) र प्रजापति(दिवंगत अभिनेता विनोद खन्नाले निभाएको भूमिका) पनि एनिमेटेड अवतारमा आउनेछ ।
सलमानका भाई तथा ‘दबंग’ सिरिजका निर्माता अरबाज खानले ‘दबंग’को विशेषता यो पूर्ण रुपमा पारिवारिक मनोरन्जनपूर्ण फिल्म रहेकाले यसको फ्रेन्चाइजीलाई विस्तार गर्नको लागि अगाडिको उत्तम बाटो एनिमेसन नै रहेको बताए । एनिमेशन स्टुडियो कस्मोस–मायाले यो परियोजनाको निर्माणको अधिकार पाएको छ ।
