धरान । गायक एपी शेर्पाले आफ्नो नयाँ राष्ट्रिय गीत ‘वीर गोर्खाली’ को म्युजिक भिडियो आफ्नै युट्युब च्यानल एपी शेर्पामार्फत सार्वजनिक गरेका छन् । नयाँ देशभक्ति गीत ‘वीर गोर्खाली’मा गायक तथा संगीतकार दीप श्रेष्ठको संगीत र गीतकार टेक तामाङको शब्द रहेको छ ।
भिडियोमा गायक शेर्पासँगै प्रशान्त तामाङ, सिम्रन श्रेष्ठ, सन्ध्या तुम्बाहाम्फे, देवान राई, देछेन शेर्पा, याङछिन् शेर्पालगायतका कलाकारहरुले अभिनय गरेका छन् । भिडियोमा गायक दीप श्रेष्ठलाई पनि देख्न सकिन्छ । भिडियोको निर्देशन पनि गायक शेर्पाले नै गरेका हुन् ।
भिडियोमा सूर्य लामाको सम्पादन र भुपेन्द्र तुम्बाहाङ्फेको छायांकन छ । यसअघि पनि गायकको ‘गरौं संकल्प’ बोलको राष्ट्रिय भावको गीत सार्वजनिक भएको थियो ।
