लसएन्जल्स(एजेन्सी) । कोरोना भाइरसको महामारीका कारण कैयौं महिनासम्म फिल्म ‘मिसन इम्पोसिबल ७’को सुटिङ रोकिएको थियो । ब्रिटेनमा लकडाउन खुकुलो हुनासाथ यसको सुटिङ शुरु पनि भएको थियो । अभिनेता टम क्रुजको अभिनय रहेको यो फिल्मको सुटिङ भइरहँदा बाइक दुर्घटना भएपछि काम रोकिएको छ ।
समाचार अनुसार एक खतरनाक स्टन्टका समयमा बाइकमा आगलागी भएको थियो । जसकारण फिल्मको सेटमा ठूलो क्षति पुगेको थियो । यो स्टन्टको योजना बनाउन ६ साता लागेको थियो र अक्सफोर्डशायरमा यो सेट बनाउनका लागि २० करोड बजेट लागेको थियो ।
दुर्घटनामा टमलाई कुनै किसिमको चोट लागेको छैन । फिल्मको सुटिङमा पुनः ढिलाई हुने भएपछि टम निरास छन् । ‘मिशन इम्पोसिबल’ सिरिजमा टमले एमआईएफ एजेन्ट इथन हन्टको भूमिका निर्वाह गरेका छन् । फिल्ममा सिमोन पेज, रेबेका फर्गुसन र विङ रेम्सको पनि अभिनय छ । फिल्म सन् २०२१ को नोभेम्बर १९ मा रिलिज हुनेछ ।
