काठमाडौं । गायक सुदन गैरे र गायिका मेलिना राईको स्वरमा रहेको गीत ‘उडी जाने जेट’ सार्वजनिक भएको छ । लेखु सहयात्रीको शब्द र सुवास भुसालको संगीत रहेको गीतमा उदयराज पौडेलको संगीत संयोजन छ ।
डान्सिङ बिट फ्लेभरको गीतमा एलिशा शर्मा र भिजु पार्कीको नृत्य छ । प्रमोदकुमार भण्डारीको कोरियोग्राफी, अनिल के मानन्धरको सिनेमाटोग्राफी र प्रविन भट्टको सम्पादन रहेको भिडियो नेपाल, अस्ट्रेलिया र अमेरिकामा छायांकन गरिएको छ । भिडियोमा अष्ट्रेलियन मोडलको पनि अभिनय छ । भिडियोको निर्देशक गणेश शाही हुन् ।
अमेरिका बसेर लामो समयदेखि गीत संगीतमा सक्रिय गायक गैरेको यसअघि ‘सानी’ गीत बजारमा आइसकेको छ ।
