काठमाडौं । गायिका सरिता भारतीको स्वरमा रहेको नयाँ गीत ‘पहिलो भेटमै’ को भिडियो सार्वजनिक भएको छ । सार्वजनिक गीतमा डब्बु क्षेत्रीको शब्द र जुगल डंगोलको संगीत छ ।
भिडियोमा गायिका भारती र मोडल दिकपाल कार्की फिचर्ड छन् । रामशरण उप्रेतीको छायांकन रहेको भिडियोमा मित्र डि गुरुङको सम्पादन र डब्बुकै निर्देशन छ । भिडियो ब्युटी न्युज नेपाल च्यानलबाट सार्वजनिक गरिएको छ । सरिताको यो गीत ‘पहिलो भेटमै’ एलबममा रहेको छ ।
एल्बममा संगीतकार शम्भुजीत बासकोटाको संगीत र जुगल डंगोलको संगीत, गीतकार डब्बु क्षत्रीको शब्द र गायिका सरिता भारतीको स्वरमा २ वटा गीत रहेको छ । जसमा ‘बजाई देउ बाजा’ र ‘पहिलो भेटमा’बोलको गीत रहेको छ ।
सरिताको यसअघि ‘मेरो जवानी’, ‘लुडो र तास’, ‘कोरोनाले देशै रोयो’ र ‘रातो सारी लरक्कै’ गीत आइसकेका छन् । विगत आधा दशकदेखि गायनमा सक्रिय सरिताले सांस्कृतिक संस्थानबाट गायनमा डिप्लोमा गरेर गायन यात्र अघि बढाएकी हुन् ।
