काठमाडौं । गायक रमण रेग्मीको ‘मेसो पा छैन’ बोलको गीतको म्युजिक भिडियो सार्वजनिक भएको छ । संगीतकार हरि लम्सालको शब्द, संगित र एरेन्ज रहेको उक्त म्युजिक भिडियोको निर्देशन गम्भिर बिष्टले गरेका हुन् । गीतमा गायक रमणलाई गायिका मेलिना राईले स्वरमा साथ दिएकी छन् ।
सविना कुँवर रेग्मीको निर्माण रहेको उक्त भिडियोमा पुष्प खड्का र उषा उप्रेती फिचर्ड छन् । डिएम लिगल अस्ट्रेलिया र इन्स्टा एजुकेसन एण्ड भिसा सर्भिसको स्पोन्सर रहेको उक्त म्युजिक भिडियोको छायांकन नवराज उप्रेती र उनको टिमले गरेको हो । भिडियोमा नविन निरौलाको रंग संयोजन तथा सम्पादन, सुबोल थापाको कोरियोग्राफी छ ।
सानै उमेर देखी नै गीत संगीत क्षेत्रमा रमाउदै आएका गायक रेग्मीको ‘हुन्छ नि बैशमा मुटु साटौ लाग्ने’, ‘घर त लगनखेल’लगायतका गीत छन् ।
