काठमाडौं । गायक टंक बुढाथोकी र गायिका कविता शिवाकोटीको नयाँ गीत ‘झिमझिम परेली’को म्युजिक भिडियो सार्वजनिक भएको छ । सार्वजनिक गीतमा गायक टंककै शब्द, संगीत रहेको छ, भने एरेञ्ज कृष्ण बि.कले गरेका छन् ।
नितिन चन्दको निर्देशन तथा टंक बुढाथोकीको कन्सेप्टमा बनेको म्युजिक भिडियो केही फरक छ । भिडियोमा अभिनेता पल शाह, बाल गायक अशोक दर्जी फरक अवतारमा प्रस्तुत भएका छन् । अशोकलाई भिडियोको सुरुमै एक्सन शैलीमा देखाइएको छ । पल र अशोकलाई सेसा पौडेल र सलिजा ओलीले अभिनयमा साथ दिएका छन् ।
म्युजिक भिडियोमा उत्तम हुँमागाईको छायांकन, नवीन निरौलाको सम्पादन र सुबोल थापाको कोरियोग्राफी छ ।
