काठमाडौं । भारतको लोकप्रिय टेलीभिजन कार्यक्रम सारेगमपका पहिलो रनर अप, गायक प्रितम आचार्यको स्वर रहेको ‘म पागल सरी’ बोलको गीतको भिडियो सार्वजनिक भएको छ । गत शुक्रबार अमेरिकाको इन्टरनेसनल फ्रेन्ड्स बार रेस्टुरेन्ट फेएर फिल्ड, ओहिओमा एक कार्यक्रम बीच गीतको भिडियो सार्बजनिक गरिएको हो ।
डिल्ली अधिकारीको प्रमुख आथित्यता रहेको कार्यक्रममा एल डी बास्तोलाले सभापतित्व ग्रहण गरेका थिए । कार्यक्रममा आफ्नो मन्तब्य दिदै प्रवासमा बसेपनि नेपाली कला संगीतलाई हरेक पल सहयोग गर्ने प्रतिबद्दता प्रमुख अथिती डिल्ली अधिकारीले गरेका थिए ।
संगीतकार शशीविक्रम थापाको संगीत रहेको गीतमा प्रभाकर देव शर्माको शब्द छ । उक्त गीतको संगीत संयोजन पनि संगीतकार शशि बिक्रम कै रहेको छ ।
गीतको भिडियोमा रुपेश उप्रेतीको निर्देशन तथा योगेन थापाको छायांकन र सम्पादन छ । भिडियोमा मुकेश अधिकारी, गोमा बास्कोटा, निश्चल अधिकारी, लिजा बास्तोला र आयुष रिजालको अभिनय छ । अमेरिकाको विभिन्न ठाउँमा छायांकन गरिएको भिडियोमा एलडी बास्तोलाको लगानी छ । गीत हाम्रो आफ्नै टिभी नामक युटुब च्यानल बाट सार्बजनिक गरिएको छ ।
