काठमाडौं । संगीतकार अर्जुन पोखरेलको संगीत तथा गायक निशान भट्टराईको स्वरमा रहेको नयाँ गीत ‘तिमीलाई देखेपछि माया पलायो’को भिडियो डिभाईन म्यूजिकबाट रिलीज भएको छ ।
गीतमा निलकण्ठ सुवेदीको शब्द रचना रहेको छ । गीतमा युवायुवतीको भेटपछि भएका प्रेमका कुराहरु रहेका छन् । गायक भट्टराईले आफुले गाएका गीतमा मन परेका गीत मध्ये यो गीत पनि एक रहेको बताए । संगीतकार पोखरेलले यो गीतबाट आफुले निकै आशा गरेको बताए ।
सुरेशदर्पण पोखरेलले निर्देशन गरेको भिडियोमा भरत सुवेदी र समिन श्रेष्ठ फिचर्ड छन् । संयुक्त राज्य अमेरिकाका विभिन्न रमणिय स्थानहरुमा छायांकन गरिएको भिडियोमा विनोद अधिकारीको छायांकन तथा भरत रेग्मीको सम्पादन र कलर ग्रेडिङ छ ।
