काठमाडौं । कोजु इन्टरटेनमेन्टको ब्यानरमा हरि लामाको प्रस्तुति र तिर्थराम कोजु र हरि थापाको निर्माणमा तयार भएको फिल्म ‘गोर्खे’मा समावेस मुख्य दृश्यसहित शीर्ष लिरिकल गीत सार्वजनिक भएको छ । बुढासुब्बा डिजिटलको अफिसियल युट्युब च्यानलमार्फत सार्वजनिक भएको गीतमा साश शाक्यको स्वर, संगीत र एरेन्ज छ । गीतमा नग्वा फिन्जु पाख्रिनको शब्द छ ।
गीतमा फिल्मका मुख्य पात्र फिचर्ड छन् । पाल्पा, बर्दघाट, धम्पुस, पोखरा र काठमाडौलगायतका स्थानमा छायांकन गरिएको फिल्ममा किम्मत गौतमको निर्देशन छ । गोर्खे बन्ने सपना बोकेका ५ युवाहरुको कथालाई देखाइएको फिल्ममा हरि थापा निर्माता छन् । फिल्ममा रवीन्द्र प्रताप सेन, अन्जली अधिकारी, अर्जुन गुरुङ्ग, आश्मी लामा, आश्मी श्रेष्ठ, एन्जेल श्रेष्ठ, बालदीप राईलगायतका कलाकारको अभिनय छ ।
सौरब लामा र निरज कँडेलको छायांकन रहेको फिल्ममा काजी लिम्बुको लेखन, छिन्दु पाख्रिन र हरि लम्सालको संगीत तथा मित्र डि गुरुङको सम्पादन छ । फिल्म फागुनको दोस्रो साता रिलिजको तयारीमा छ ।
