काठमाडौं । गायिका डा. रानी शाक्य र गायक प्रमोद खरेलको स्वरमा रहेको नयाँ गीत ‘चल्यो मायाको बतास’सार्वजनिक भएको छ । डान्सिङ शैलीको यस गीतको म्युजिक भिडियोमा अभिनेता दिलिप रायमाझी र अभिनेत्री अशिष्मा नकर्मी फिचर्ड छन् ।
गायिका डा. रानी शाक्यको अफिसियल युट्युब च्यानलबाट सार्वजनिक गीतमा हरी उप्रेतीको शब्द र विकाश चौधरीको संगीत रहेको छ
भिडियोमा राजन शाहीको कोरियोग्राफी, आभेस बज्राचार्यको क्यामेरा, माधव बेलबासेको सम्पादन र प्रहिल कार्कीको निर्देशन छ । अमेरिकाको मेरिल्याण्डमा रहेकी गायिका शाक्यले हालैमात्र नयाँ एल्बम ‘ऐना’ बजारमा ल्याएकी छन् ।
