काठमाडौं । फिल्म निर्देशक राजबहादुर साने निर्देशित टेलिश्रृंखला तथा वेवसिरिज ‘कलेज लभ’ को टे«लर सोमबार सार्वजनिक भएको छ । प्राइम टेलिभिजनमा माघ २९ देखि हरेक बिहीबार राति ९ बजे प्रशारण हुने ‘कलेज लभ’ युट्युवमा केके प्रोडक्शन हाउसमार्फत आउनेछ ।
ट्रेलरमा कलेजमा हुने गरेको आकर्षण, प्रेम, करिअरप्रतिको चिन्तालगायतका विविध विषय समेटिएको छ । टेलिश्रृंखलामा सुशील पोखरेल, हिउँवाला गौतम, प्रिया रिजाल, सुजल बम, शिशिर राणा, नवीन केसी, सयुज राई, पवन भट्टराई, शुभम गौतम, टेक बम, मुस्कान बुढाथोकी, बिबस थापा, स्नेहा मगर, पूजा दर्नाल, अमृता थापा, आशा राई, सारा नेपाली, आकाश थापा, बिष्णु श्रेष्ठलगायतका कलाकारको अभिनय रहेको छ ।
कुमार केसीको प्रस्तुत रहेको टेलिश्रृंखलामा दिब्य सुवेदी र वीरेन्द्र परियारको छायांकन र तारा थापा ‘किम्भे’को सम्पादन छ ।
