बिस्तारै बिस्तारैमा एलिजा र यशराज

काठमाडौ । गायक प्रताप दास र गायिका कविता श्रेष्ठको स्वरमा रहेको गीत ‘बिस्तारै बिस्तारै’को भिडियो सार्वजनिक भएको छ । गीतमा राजेशकुमार श्रेष्ठको शब्द तथा एलिस कार्कीको संगीत छ ।

गोविन्द राई निर्देशित भिडियोमा अभिनेता यशराज गराच र अभिनेत्री एलिजा गौतम फिचर्ड छन् । रोमान्टिक भावको गीतमा एलिजा यशराजसँग निकै खुलेकी छन् ।

भिडियोमा ज्ञानु सुब्बाको कोरियोग्राफी तथा दीपेन बस्नेतको छायांकन तथा सम्पादन छ । भिडियो गोविन्द राईकै अफिसियल युट्युब च्यानलबाट सार्वजनिक गरिएको हो ।