गरिमा बनिन् पलको टिकटक क्विन

काठमाडौं । गायिका रचना रिमाल तथा गायक कृष्ण ढकालको स्वर रहेको गीत ‘टिकटक क्विनः सुपरम्यान’ को भिडियो सार्वजनिक भएको छ । गीतमा तिलक बस्नेतको शब्द र संगीत तथा रमेश सेन्चुरीको संगीत संयोजन छ ।

भिडियोमा पल शाह, दुर्गेश थापा, गरिमा शर्मा र रुची विश्वास फिचर्ड छन् । राजीव समरको कोरियोग्राफी रहेको भिडियोमा अर्जुन तिवारीको छायांकन, विवेक सुनारको सम्पादन र शान थापाको निर्देशन छ ।

चन्दन शाह निर्माता रहेको गीतको भिडियो शाह प्रोडक्सन फिल्म्सको आधिकारिक युट्युब च्यानलबाट सार्वजनिक गरिएको छ ।