काठमाडौं । गायक उदेश श्रेष्ठको नयाँ गीत ‘मलाई तिमी मनपर्यो’ को भिडियो सार्वजनिक भएको छ । राजधानीमा आइतबार आयोजित एक कार्यक्रममा सार्वजनिक भिडियोमा गायक उदेश नै फिचर्ड छन् ।
उदेश र अर्जुन पासवानको शब्द रहेको गीतमा उदेशकै संगीत छ । ‘उदेश्य’ गीतिसंग्रहमा संग्रहित पहिलो गीतको भिडियो सार्वजनिक कार्यक्रममा प्रमुख अतिथि गायक प्रेमध्वज प्रधानले उदेशलाई संगीतमा निरन्तरता दिन आग्रह गरे ।
कार्यक्रममा उदेशले गायक प्रेमध्वजको सफल गीतहरु ‘तारा मात्र होइन तिमीलाई’, ‘घुम्तीमा न आउ है’ गाएका थिए । भिडियोमा गायक उदेशसँगै माङसा लिम्बु, सञ्जल भण्डारी र प्रिया लिम्बुको अभिनय छ ।
छेवाङ लामाको निर्देशन रहेको भिडियोमा सञ्जीत श्रेष्ठको छायांकन, बिजेश पौडेलको सम्पादन र कलर करेक्सन छ । भिडियो गायक उदेशकै युट्युब च्यानलबाट सार्वजनिक गरिएको हो ।
