काठमाडौं । गायन रियालिटी शो ‘द भ्वाइस अफ नेपाल सिजन ३’ विजेता गायक किरण गजमेर र गायिका मेलिना राईको युगल स्वरमा रहेको ‘एकैछिन’ बोलको म्युजिक भिडियो सार्वजनिक भएको छ ।
गीतमा प्रेमीप्रेमिकाले एकअर्कालाई देख्न भेट्न नपाउदाको छटपटी, निराशालाई व्यक्त गरिएको छ । अमेरिकाको ओहायो निवासी गीतकार गोपाल लोहारको गीतमा शब्द छ । संगीतकार वसन्त सापकोटाले संगीतबद्ध गरेको गीतमा विषम आचार्यको संगीत संयोजन छ ।
ललितपुरको गोदावरीमा छायांकन भएको भिडियोमा प्रभात पाल ठकुरी र कविता न्यौपाने फिचर्ड छन् । श्याम तामाङको छायांकन रहेको भिडियोमा विकाश दाहालको सम्पादन र काजी लिम्बु तथा श्याम लामाको निर्देशन छ ।
भिडियोको निर्मात्री भीमा लोहार हुन् । गोलो प्रोडक्सनको आधिकारिक च्यानलमार्फत भिडियो सार्वजनिक गरिएको हो ।
