काठमाडौं । कलाकारहरुलाई फरक तरिकाले भिडियोमा प्रस्तुत गर्न सिपालु निर्देशक माइकल चन्दले अभिनेत्री साम्राज्ञी राज्यलक्ष्मी शाहलाई पहिलो पटक ‘माया पिरेम’ भिडियोमा नचाएका छन् ।
साम्राज्ञी राज्यलक्ष्मी शाह, अलिसा शर्मा, देलविस दर्शनधारी र राज तुम्बाहाम्फेको मुख्य भूमिकामा तयार भएको गीतको भिडियोमा साम्राज्ञी निकै खुशीले नाँचेकी छन् ।
गीतमा विश्व नेपाली र अस्मिता परियारको स्वर, शंकर स्माइलको संगीत, डीपी खनालको शब्द छ ।
भिडियोमा सिलन लम्सालको सम्पादन, उत्सव दाहालको छायांकन छ । भिडियोेबाट दुई नयाँ कलाकार देलविस र राजले सम्भावना देखाएका छन् । यी दुई कलाकार चाडै नै चलचित्र क्षेत्रमा पनि डेब्यू गर्ने तयारीमा छन् ।
भिडियोलाई उत्कृष्ट बनाउन निर्देशक माइकल चन्द र निर्माण कम्पनी ट्री इन्टरटेन्मेन्टले कुनै कसर बाँकी राखेका छैनन् । भिडियोमा दिनेश दर्शनधारी र यशोधा राईको लगानी छ ।
