काठमाडौं । अमेरिका निवासी गीतकार विष्णु निरौलाको शब्द रहेको गीत ‘तिम्ले माया मारी गयौ’ सार्वजनिक भएको छ । अस्मिता अधिकारीको स्वर रहेको गीतमा राजेश थापाको संगीत छ ।
प्रेमपीडा व्यक्त गरिएको गीतको भिडियोमा त्रिकोणत्मक प्रेम र धोकाको कथा बुनिएको छ । भिडियोमा उषा उप्रेती, कमल सिंह, कुसुम गोथाने, विपना सुवेदीको अभिनय छ ।
सुजन श्रेष्ठको छायांकन, सिलन लम्सालको सम्पादन रहेको भिडियो मुनाल शिशिर कोइरालाले निर्देशन गरेका हुन् । योङ माइन्डस् इन्टरटेनमेन्टले निर्माण गरेको भिडियोको विकल्प क्रियशनको युट्युवबाट सार्वजनिक गरिएको हो । गीतको भिडियोको कथा सस्पेन्समा छोडिएको छ ।
यो गीतको छिट्टै नितिन गजुरेलको स्वरमा मेल भर्सन समेत आउँदैछ । यो भिडियोको सस्पेन्स समेत खोलिने उक्त भिडियोको छायांकन सकिएको र भिडियो केही दिनमा सार्वजनिक हुनेछ ।
