काठमाडौं । गायिका निशा कँडेलको स्वरमा रहेको गीत ‘पिरतीको खुल्ला आकाशमा’ बोलको म्युजिक भिडियो सार्वजनिक भएको छ ।
अस्ट्रेलियामा बस्दै आएका गीतकार टिका दाहालको संगीत रहेको गीतमा रमेश दाहालको शब्द छ । मेलोडियस भर्सनको गीतमा राहुल प्रधानको संगीत संयोजन रहेको छ ।
अभि लामाले कोरियोग्राफी गरेको भिडियोमा स्वयम् गायिका निशा कँडेल फिचर्ड छिन् । भिडियोको छायांकन, सम्पादन र निर्देशन फराज अर्पणले गरेका हुन् ।
लिजेन्स इन्टरनेशनलको एजुकेशनको प्रस्तुति रहेको यस गीतको म्युजिक भिडियोलाई गायिका कँडेलको आधिकारिक च्यानल निशा कँडेलमार्फत सार्वजनिक गरिएको छ ।
भिडियो सार्वजनिक भएसंगै निर्माण टिमले टिकटक कम्पिटिसनको घोषणा गरेको छ । निर्माण टिमका अनुसार उत्कृष्ट प्रस्तुतिका आधारमा एक जना र दर्शकबाट भिडियोमा धेरै लाइक्स पाउने एकजना गरेर २ जनाले नगद १०–१० हजार पुरस्कार पाउनेछन् ।
