काठमाडौं । गायक स्वरुपराज आचार्यको स्वरमा रहेको गीत ‘बिरानो सहर’को भिडियो सार्वजनिक भएको छ । गीतमा शान्ति शर्माको शब्द, दीपक जंगमको संगीत, देवेन्द्र नेवाको संगीत संयोजन, प्रकाश मिश्रको मिक्सिङ र मास्टरिङ छ ।
शान्ति शर्मा अफिसियल युट्युब च्यानलबाट सार्वजनिक भिडियोमा अभिनेता राजेश हमाल, शान्ति शर्मा, सुशीला थापा, रोहित बस्नेत, नारायण अधिकारीको अभिनय छ । गीतमा प्रेम, मिलन र विछोडको भावनालाई समेटिएको छ ।
मुकेश हुमागाईँको छायांकन रहेको भिडियोमा निशान घिमिरेको निर्देशन र सम्पादन छ । गीतकार शान्तिको यसअघि नै ‘अम्लान फूल’ गजल संग्रह, ‘बार्दलीमा जून’ मुक्तक संग्रहलगायतका कृतिहरु प्रकाशित भइसकेका छन् ।
