काठमाडौं । मनोवैज्ञानिक थ्रिलर फिल्म ‘षट्कोण’को टिजर सार्वजनिक भएको छ । कर्मा र भोलाराज सापकोटा अभिनित फिल्मको टिजरमा लोकेन्द्र लेखक, सुयशा अधिकारी, विराज कडरिया र शिशिर लिम्बु पनि देखिएका छन् ।
मिलन डी काप्रीको निर्देशन रहेको फिल्म वैशाख २३ गतेदेखि प्रदर्शनमा आउँदैछ । एक घटनाको सत्यतथ्य पत्ता लगाउन एक पत्रकारले गरेको खोज रिपोर्टिङमा फिल्मको कथा बुनिएको छ । फिल्ममा कर्मा पत्रकारको भूमिकामा छन् ।
क्लेमेन्टाइन प्रोडक्सन र ट्राभलर्स क्रिउ फिल्मसको संयुक्त ब्यानरमा निर्माण भएको फिल्ममा शिशिर लिम्बु वानेमको कथा तथा पटकथा, महेश दवाडीको संवाद, आङ्चेन लामाको छायांकन, सागर खनाल र निर्देशक काप्री स्वयंको सम्पादन छ । फिल्म आरआर फिल्मसले वितरण गर्दैछ ।
