काठमाडौं । गायिका एलिना चौहानको स्वरमा रहेको नयाँ गीत ‘रानी’ को भिडियो सार्वजनिक भएको छ । दाहाल सन्तोषको शब्द रहेको गीतमा विकास चौधरीको संगीत तथा सञ्जय हमालको संगीत संयोजन छ ।
तारा सीतारा प्रोडक्सनले निर्माण गरेको भिडियोको निर्देशन कृष्ण पौडेलले गरेका छन् । सुजन श्रेष्ठको छायांकन रहेको भिडियोमा युवराज खत्रीको सम्पादन छ ।
प्रविन थापाले कोरियोग्राफी गरेको भिडियोमा एलिना चौहान, उषा उप्रेती र दाहाल सन्तोष फिचर्ड छन् । भिडियो तारा सीतारा प्रोडक्सनको अफिसियल यु ट्युब च्यानल मार्फत सार्वजनिक गरिएको छ ।
