काठमाडौं । अभिनेता प्रदीप खड्का र अभिनेत्री कृष्टिना गुरुङ फिचर्ड फिल्म ‘प्रेमगीत ३’को नयाँ रिलिज मिति घोषणा भएको छ । जसअनुसार फिल्म अब ७ असोजमा रिलिज हुँदैछ । यो मिति घटस्थापनाको छेकोमा पर्दछ ।
फिल्मका निर्देशक सन्तोष सेनले सामाजिक सञ्जाल फेसबुकमार्फत नयाँ मिति घोषणा गरेका हुन् । यसअघि यो फिल्मले तीनपटक रिलिज मिति सार्वजनिक गरे पनि कोरोना महामारीका कारण रिलिज हुन सकेको थिएन ।
दिवंगत छेतेन गुरुङ र सन्तोष सेनले निर्देशन गरेको फिल्ममा प्रदीप खड्का, क्रिस्टिना गुरुङ, शिव श्रेष्ठ, मनिष राउत, अनुभव रेग्मी, सम्वृद्धि शाही ठकुरी, सुनिल थापा, सन्तोष सेन, माओत्से गुरुङ, पुस्कर कार्की, प्रेम पुरी, लक्ष्मी वर्देवा, योगिशा खत्रीलगायतका कलाकारको अभिनय छ । ‘प्रेमगीत ३’बाट क्रिस्टिनाले अभिनेत्रीको रुपमा डेब्यू गर्दैछिन् । फिल्मलाई राजेश श्रेष्ठले खिचेका हुन् ।
