काठमाडौं । निर्देशक प्रदीप शाहीले निर्देशन गर्न लागेको फिल्म ‘अन्तिम संस्कार’मा अभिनेत्री दीया पुन अनुबन्धित भएकी छिन् । निर्माण टिमले हालै अभिनेत्री पुनसँग लिखित सम्झौता गरेको हो ।
विनोद सुवेदी (खत्री)को निर्माण रहने फिल्ममा दीयासँगै विजय लामा, एवनराज उप्रेती, त्रिचन्द्र राई, विनोद सुवेदी (खत्री ), सुस्मिता गिरी, श्याम राई आदी कलाकारहरुको अभिनय रहनेछ ।
निर्देशक शाहीको ‘अन्तिम संस्कार’ दोस्रो फिल्म हो । उनको निर्देशनमा बनेको पहिलो फिल्म ‘गोर्खाः बिनिथ द ब्रेभरी’ प्रर्दशनको तयारीमा छ ।
‘अन्तिम संस्कार’ अब केही समयपछाडि छांयाकनमा जाने निर्माता सुवेदीले जानकारी दिए । शाही प्रोडक्सनको व्यानरमा सामाजिक कथामा फिल्म निर्माण हुन लागेको हो ।
