काठमाडौं । निर्देशक दिनेश राउत निर्देशित फिल्म ‘प्रकाश’को ट्रेलर सार्वजनिक भएको छ । आगामी भदौ १० गतेबाट प्रदर्शनमा आउने ट्रेलरमा सरकारी स्कूलको शिक्षक बन्न गाउँको एक विपन्न युवकले गर्नुपरेको संघर्ष र वेपत्ता श्रीमानको पखाईमा रहेकी एक महिलाको कथालाई प्राथमिकता दिएको छ ।
ट्रेलरमा अभिनेता प्रदीप खड्का, दीया मास्के, रेणु योगीलगायतका कलाकार फिचर्ड छन् । जुम्लामा छायांकन गरिएको फिल्ममा प्रदीपलाई अहिलेसम्मकै फरक लुक्समा देखाइएको छ ।
बिनिस इन्टरटेनमेन्टको ब्यानरमा महेन्द्र अधिकारी निर्माता रहेको सिनेमामा प्रकाश घिमिरे, निरज पन्थी, राजन खतिवडा, गोविन्द सुनुवार, रामबाबु रेग्मी, लोकेन्द्र लेखक लगायतको पनि अभिनय छ ।
सिनेमामा विकास सुवेदीको लेखन, राजेश श्रेष्ठको छायांकन, जीवन थापाको सम्पादन, सुवास भुषाल, दिपक शर्मा, तारा प्रकाश लिम्बु र एलिस कार्कीको संगीत रहेको छ ।
