धरान । एघार वर्षअघि ‘आगे आगे तोपैको गोला पछि पछि मशिनगन फरर’ को रिमेक भर्सन गाएर चर्चामा आएका धराने गायक प्रदेश लिम्बु यसपटक दशैंको मौका पारेर अष्ट्रेलियामा गुञ्जिए । अष्ट्रेलियाको सिड्नी र ग्रानभिले शहरमा भएका दुई कार्यक्रममा उनले यो गीतसँगै आफ्ना अन्य गीत सुनाए ।
ग्रानभिल नेपाली समाजको आयोजनामा ग्रानभिलेको हिमालयन प्यालेसमा ‘दशैं तिहार साँझ’ र नेपहप इभेन्ट्सको आयोजनामा सिड्नीको क्लब योर्क सिड्नीमा आयोजित ‘रमाइलो नाइट’मा प्रदेशले ‘रिङ रिङ जाडो लाग्यो’, ‘पसले साहुनी’ लगायतका गीत सुनाए ।
कार्यक्रममै अर्का गायक रुपक डोटेलले ‘सानुमाया’, ‘वनकी चरी’ लगायतका गीत सुनाएका थिए । ‘रमाइलो नाइट’मा जनवादी गायक जेबी टुहुरेकी श्रीमती सतीदेबी खड्गीलाई सम्मान गरिएको थियो ।
