काठमाडौं । गायक प्रताप दास र गायिका प्रविशा अधिकारीको स्वर रहेको गीत ‘छहरा’ सार्वजनिक भएको छ । अमेरिकाको न्यु जर्सीको रमणीय दृश्यमा खिचिएको यो म्यूजिक भिडियो ड्रिम्स गेट इन्टरटेनमेन्टको युट्युब च्यानलमा रिलिज गरिएको छ ।
गीतमा राजेशुकरमा श्रेष्ठको शब्द तथा एलिश कार्कीको संगीत छ । गीतमा शैलेन्द्रमान प्रधानको एरेन्ज, मिक्सिङ छ । गीत म्युजिक क्लाउडमा रेकर्ड गरिएको हो ।
भिडियोमा फिल्म ‘गोर्खा पल्टन’की अभिनेत्री तथा मोडल रन्जिता गुरुङ र कृश थापा फिचर्ड छन् । भिडियोका प्रोडक्सन मेनेजर सफल खडका हुन् भने भिडियोको छायांकन, ड्रोन र निर्देशन बिक्की पुलामीले गरेका छन् । भिडियोमा विष्णु खड्काको सम्पादन छ ।
