काठमाडौ । द भ्वाईस अफ नेपाल सिजन ४ विजेता बनेपछि गायक करण राईले पहिलो अफिसिय लम्युजिक भिडियो ‘चंगा’ सार्वजनिक गरेका छन् । करणले आफ्नै युट्युव च्यानल करण राई मार्फत ‘चंगा’ सार्वजनिक गरेका हुन् । म्युजिक भिडियोमा अभिनेता दयाहाङ राई फिचर्ड छन् ।
करण भ्वाईस अफ नेपालसिजन ४ मा जानुअघि सार्वजनिक गरिएको ‘द काईट्स’एल्बममा समावेश गीत ‘चंगा’मा गीतको शब्द निर्देशक, कवि तथा गीतकार प्रकाश आङ्देम्बेको शब्द रहेको छ । देबेश राईको संगीत रहेको यस गीतमा मिक्सिङ, मास्टरिङ पनि देबेशकै रहेको छ ।
गीतको शब्दको भावअनुसार बनेको म्युजिक भिडियोलाई अनिल सुब्बाले निर्देशन गरेका छन् । भिडियोमा अभिनेता दयाहाङसँगै अशिम सुब्बा, संगीता थापा लगायत कलाकारहरुको अभिनय रहेको छ । भिडियोमा करण पनि देखिएका छन् ।
