काठमाडौँ। सेलिब्रेटी नेपालको प्रस्तुतीको निर्माण भएको सामाजिक टेलिफिल्म ‘केशरी’को फर्स्ट लुक पोस्टर सार्वजनिक गरिएको छ।
सार्वजनिक फर्स्टलुकमा मुख्य पात्रलाई मात्र फिचर्ड गरिएको छ। सार्वजनिक पोस्टर राकेश दाहालले बनाएका हुन्। टेलिफिल्ममा मुख्य पात्र आशा भुषालले निभाएकी छन्। थुप्रै फिल्म, म्युजिक भिडियो तथा टेलिफिल्ममा काम गरि सकेकी आशाले ‘केशरी’मा जिवन्त अभिनय गरेकी छन् ।
उत्तम अधिकारीको लेखन तथा निर्देशनमा बनेको टेलिफिल्ममा नारी बेदनाको कथालाई महत्वपूर्ण स्थान दिइएको छ। राष्ट्रिय टेलिभिजनबाट प्रशारण हुने टेलिफिल्मले गाउँले जनजीवनको यथार्थ कथा बोल्ने लेखक तथा निर्देशक अधिकारीले बताए।
टेलिफिल्मका निर्माता रघुनाथ सापकोटा हुन् । उनलाई निर्माणमा राजकुमार श्रेष्ठले सघाएका छन्। टेलिफिल्मको छायाँकन एलेक्स पुडासैनीले गरेका हुन् भने सम्पादन बन्दे प्रसादले गरेका छन् । टेलिफिल्ममा आशा भुषालको अलावा लक्ष्मीनाथ तिमल्सिना, विनयराज पौडल, प्रदीप सिंह थापा, करुणा श्रेष्ठ, चण्डिका बस्नेत, रेशम फिरिरी, सुरज अधिकारी, समीर खनाल, स्मृति बस्नेत, डिम्पल खरेल, बिष्णु रोक्कालगायतका कलाकारको अभिनय रहेको छ।
टेलिफिल्म बैशाख अन्तिम साताबाट प्रशारण सुरु गर्ने लक्ष्य राखिएको छ।
