काठमाडौं । फिल्म ‘मीराः स्याडो अफ अ रेन्बो’को गीत ‘मेरो विश्वास’ सार्वजनिक गरिएको छ । एक बच्चामा देखिएको अस्वभाविक सजग मानसिक स्थिति (अटिजम)को समस्या र कसैसँगको प्राईभेट सम्बन्धलाई समाजमा देखाउन खोज्ने एक आमाको संघर्षपूर्ण कथामा बनेको यो फिल्मको गीतको भिडियोमा प्राकृतिक रुपमा पुरुष र महिला दुवैमा आकर्षित हुने महिलाको कथा देखाईएको छ ।
भिडियोमा निर्देशकसमेत रहेकी अनिता पण्डित र अभिनेत्री सुरविना कार्कीलाई प्रमुख स्थान दिइएको छ । । भिडियोमा अभिनेताद्वय निशान चौहान र कैलाश रावललाई पनि देखाइएको छ ।
फिल्मकी निर्देशक पण्डितले सार्वजनिक गीतले फिल्मले अर्को कथा देखाउने बताईन् । ‘यो फिल्ममा प्राकृतिक रुपमा नै फरक महशुस गर्ने महिलाहरुको कथा छ । यसमा बच्चाको अटिजम समस्यासँगै आफ्नो सम्बन्ध सार्वजनिक गर्न चाहने आमाको कथा रहेको छ ।’ फिल्ममा अनिताकै लेखन छ ।
फिल्ममा अनिता, सुरविना, निशान, कैलाशको साथमा रोशनी कार्की र बाल कलाकार आश्वी घिमिरेको पनि अभिनय छ । आश्वी फिल्मसले फिल्म निर्माण गरेको हो । फिल्मको रिलिज मिति छिट्टै तोकिने निर्देशक पण्डितले बताईन् ।
