काठमाडौँ । कान्तिपुर फिल्म एकेडेमी र टोपी स्टुडियोजको संयुक्त निमार्ण रहेको नेपाली वेब सिरिज ‘ब्रह्माण्ड’को टिजर सार्वजनिक भएको छ ।
टिजर नेपाली, अंग्रेजी र हिन्दी गरि तीन भाषामा सार्वजनिक गरिएको छ । ओटीटी प्लेटफर्मको लागि आवश्यक अन्तर्राष्ट्रिय मापदण्ड पुरा गर्दै यो सिरिज बनाइएको निमार्ण पक्षले जनाएको छ ।
आठ भागमा निमार्ण भएको यो सिरिजको प्रत्येक भाग एक घण्टाको हुने छ । रियाज नाटककार यसका निर्देशक हुन् भने सागरराज आचार्य कार्यकारी निर्माता हुन् । एकेडेमीका सिईओ प्रकाश पुरी सिरिजका क्रिएटिव प्रोड्यूसर हुन् ।
पुरुषोत्तम प्रधानको सिनेम्याटोग्राफी रहेको सिरिजमा अर्पण थापा, सुनिल थापा, भोलाराज सापकोटा, निशा अधिकारीसँगै राजन खतिवडा, सरिता गिरी, माओत्से गुरुङ, सुरज विष्ट, सुप्रज्ञा शर्मा र सञ्जय ढुङ्गानाको पनि अभिनय रहेको छ । सिरिजबाट सुप्रज्ञा र सञ्जयले डेब्यु गर्दैछन् ।
केही समय अघि एकेडेमीले ‘मिस स्कार्लेट’ नामक साइको थ्रीलर सिरिजको टिजर सार्वजनिक गरेको थियो ।
