काठमाडौं । गीतकार तारा अधिकारीको नयाँ गीत ‘संयोग भन्दै पिरतीलाई’को भिडियो सार्वजनिक भएको छ । गीतमा सत्यराज आचार्यको स्वर, किरण कँडेलको संगीत तथा संगीत संयोजन छ ।
गीतकार अधिकारीकै निर्देशन रहेको भिडियोमा सत्यराज नै फिचर्ड छन् । भिडियोको छाँयांकन शिव ढकाल र सम्पादन नहकुल खड्काले गरेका छन् ।
सुनौला तारा मोसन पिक्चर्स युट्युब च्यानलमा अपलोड गरिएको भिडियोमा सत्यलाई लाइभ म्युजिकका साथमा गीत प्रस्तुत गरिराखेको देख्न सकिन्छ ।
गीतकार अधिकारीले निर्देशन गरेको यो चौंथो भिडियो हो । उनी गीत लेखनका साथमा निर्देशनमा पनि अब्बल हुने तयारीमा छिन् ।
