काठमाडौं । अभिनेता सुशिल श्रेष्ठको मुख्य भुमिका रहेको फिल्म ‘आउट ल’को विदेश प्रदर्शन अधिकार सेभेन सिज इन्टरटेनमेन्ट प्रालीले खरिद गरेको छ । विदेश अधिकारसँगै सह(निर्माताको रुपमा पनि यो कम्पनी जोडिएको फिल्मका कार्यकारी निर्माता साहिल खानले बताए ।
केहीदिन अगाडी सेभेज सिजको टिमले फिल्म हेरेपछि राम्रो मुल्यमा विदेश प्रदर्शन अधिकार खरिद गर्नुका साथै सहनिर्माताको रुपमा पनि जोडिएको हो । नेपाल वितरक रिच इन्टरटेनमेन्टका सञ्चालक करण श्रेष्ठले चाँडै फिल्मको फर्स्टलुक पोस्टर सार्वजनिक गर्दै प्रदर्शन मिति घोषणा गर्ने तयारी भैरहेको जानकारी दिए ।
रेट्रो ग्रुपको ब्यानरमा निर्माण भएको फिल्ममा सुशिलका अलवा नरेश पौडेल, शिक्षा संग्रौला, सुमन भण्डारी, हेम गुरुङ, विशाल पहारी र महेश त्रिपाठी लगायतको पनि अभिनय छ । एक्सन थ्रिलर जनरामा निर्माण भएको फिल्मले कानुन नमान्ने पात्रको कथा भन्छ ।
अभिनेता सुशिल श्रेष्ठ फिल्म आफ्नो करियरकै लागि महत्वपूर्ण फिल्म रहेको बताउँछन् । आफ्नो करियरलाई कता लैजाने भन्ने पनि यो फिल्मले निर्धारण गर्ने बुझाई अभिनेता श्रेष्ठको छ । शशांक खड्का, अमित अग्रहरी र बिनोद कठायतको लगानीमा निर्माण भएको फिल्म बिक्की महर्जनले निर्देशन गरेका हुन् ।
निर्माता कडायतले यसअघि प्रेमगीत ३मा कला निर्देशकको रुपमा काम गरेका थिए । करिब २ करोडको बजेटमा निर्माण भएको फिल्ममा नवीन गुरुङको छायांकन छ ।
