काठमाडौं । टोपी स्टुडियोज पोखरा र कान्तिपुर फिल्म एकेडेमी काठमाडौले निर्माण गरेको सिरिज ‘ब्रह्माण्ड’को आज पुस १ गतेबाट च्याप्टर वाईज स्ट्रिमिङ्ग सुरु भएको हो ।
उक्त सिरिजमा पछिल्लो समय अभिनय कौशलताका कारण रुचाइएका कलाकार अर्पण थापाको मुख्य भुमिका छ । ब्रह्माण्ड’ अर्पणको डेब्यु सिरिज हो । अर्पणसँगै सिरिजमा सुनिल थापा, निशा अधिकारी, भोलाराज सापकोटा, राजन खतिवडा, विशाल पहारी, सुरज बिष्ट लगायतको अभिनय रहेको छ । सिरिजबाट संजय ढुंगाना र सुप्रज्ञा शर्माले डेब्यू गर्दैछन् ।
मिलोथोली ड्रामा जनरामा बनेको ‘ब्रह्माण्ड’मा सिनेम्याटोग्राफर पुरुषोत्तम प्रधानको छायांकन छ । यसका सम्पादक सुरेन्द्र पौडेल हुन् । सागरराज आचार्य र प्रकाश पुरी निर्माता रहेको सिरिज रियाज नाटक्कारको लेखन तथा निर्देशन छ । यस सिरिज कान्तिपुर सिनेमाजको ओटिटी प्लाटफर्ममा मासिक २९९ रुपैँया तिरेर विश्व भरिबाट हेर्न सकिनेछ । एक पटक सब्सक्रिस्सन शुल्क तिरेपछी दर्शकले उक्त प्लाटफर्ममा भएको सम्पुर्ण कन्टेन्टहरु हेर्न पाउनेछन ।
हाल कान्तिपुर सिनेमाजमा ‘ज्याकीः आइ एम २१’, ‘जुलेवी’, ‘म’, ‘चि मुसी चि’, ‘खरानी’, ‘मदर’, ‘मुखिया’, ‘ऋतु’ लगायत फिल्महरु र ‘मिस स्कार्लेट’, ‘लभ सुत्र’, ‘ब्रह्माण्ड’लगायत सिरिजहरु स्ट्रिमिङ्ग भईरहेको छ । हाललाई कान्तिपुर सिनेमाज प्ले स्टोर, वेभ ब्राउजर र स्मार्ट टिभीमा उपलब्ध छ ।
