काठमाडौं । निर्देशक राजु गिरीको निर्देशन रहने नयाँ फिल्म ‘इश्वर’मा अभिनेता पृथ्वीराज प्रसाईं र सुनिल थापा अनुबन्धित भएका छन् । लक्ष्मी कुँवर थापाको प्रस्तुतिमा निर्माण हुने फिल्ममा उनीहरु अनुबन्धित भएका हुन् ।
आगामी माघ २८ गतेबाट फ्लोरमा जाने फिल्ममा शिशिर वाङ्देल, बुद्धि तामाङ, रविन्द्र झा, सविन बास्तोला र गिता अधिकारी अनुबन्धित भइसकेका छन् ।
दिव्या कंगना फिल्मस्को ब्यानरमा निर्माण हुने फिल्ममा भोजराज देवकोटाको पटकथा र संवाद छ । हरिबहादुर थापा र शंकर गिरी निर्माता रहने फिल्ममा राजेन्द्र बजगाई र बीपी वाग्लेको संगीत, कविराज गहतराज, देवेन्द्र पाण्डे र सुरेश पाण्डेको कोरियोग्राफी, रामेश्वर हुँमागाईको छायांकन र देव महर्जनको द्वन्द्व निर्देशन रहनेछ ।
