काठमाडौँ। नवल खड्काद्वारा निर्देशित, निर्मित तथा अभिनीत फिल्म ‘काँडेतार’ को पहिलो गीत ‘सके जोवन दिउँला’ सार्वजनिक भएको छ । गीतमा सत्यकला राई र बिक्रम राइको स्वर, दिपक शर्माको शब्द तथा संगीत रहेको छ। फिल्म फागुन २५ गतेबाट प्रदर्शनमा आउँदैछ ।
फिल्ममा नवलका अलवा गौरव पहारी, रेविका गुरुङ, सुरविना कार्की, मुरलीधर, प्रेम सुब्बा, परशुराम चौधरी, सञ्जय खतिवडा, राजेन्द्र भगत, पन्नालाल सिकदार, प्रकाश गिरी, बाल कलाकारहरु नादिया खड्का, सनया खड्कालगायतको पनि अभिनय छ ।
फिल्ममा श्री श्रेष्ठको द्वन्द्व र कविराज गहतराजको कोरियोग्राफी रहेको छ । माकिको राई, अञ्जु केसी र नवल खड्का निर्माता रहेको फिल्मको कार्यकारी निर्माता सत्यकला राई हुन् । फिल्ममा मणि थापा र दीपक शर्माको संगीत, सौरभ लामाको छायांकन, तारा थापा ‘किम्भे’ र बन्दे प्रसादको सम्पादन छ ।
