काठमाडौं । गायक डीजराज पौडेलको संगीत तथा स्वर रहेको गीत ‘छायाँ’ सार्वजनिक भएको छ । श्रीप्रसाद पण्डितको शब्द रहेको गीतमा दिनेश राजबाहकको एरेन्ज र मिक्सिङ छ ।
साहित्यका विविध विधामा कलम चलाइरहे पनि गीतकारका रुपमा श्रीप्रसादको रेकर्ड भइ भिडियो आएको भने यो पहिलो गीत हो । श्रीले यो गीतलाई आफ्नै च्यानल श्री पण्डितबाट रिलिज गरेका छन् ।
गीतको भिडियोमा दृश्य पण्डित एवम् आस्था विके फिचर्ड छन् । गीतको छायांकन र सम्पादन युवराज खत्रीले गरेका हुन् । कलाकारको श्रृङ्गार विमला सापकोटाले गरेकी छिन् भने भिडियो निर्देशन घनश्याम तिमिल्सिनाले गरेका हुन् । गीतको पोष्ट प्रोडक्सन एक्सन फिल्म्समा गरिएको हो ।
