काठमाडौं । यो वर्षको ‘क्यापिटल क्विन नेपाल’को ताज भक्तपुर बोडेकी रमिता भण्डारीले जितेकी छन् । उनले ताजसँगै जापानमा हुन लागेको ‘नेपाल फेसन इन्टरटेनमेन्ट अवार्ड २०२५’ मा सहभागिताको लागि अवसर पनि पाएकी छन् । रमिताले विधागततर्फको ‘मस्ट इन्टेलिजेन्ट अवार्ड’ पनि जितिन् ।
हिमालय मुभिज प्रोडक्सन हाउसले राजधानीमा आयोजना गरेको सातौं संस्करणको प्रतियोगितामा मनिषा मगर ‘फस्ट रनरअप’ सँगै ‘वेस्ट फोटोजेनिक’ र ‘मस्ट पपुलर’ तथा विपुला के.सी. ‘सेकेन्ड रनरअप’ सँगै ‘मस्ट स्मार्ट’ भए ।
कार्यक्रममा विधागततर्फ जुना भण्डारी ‘वेस्ट पर्सनालिटी’ र ‘पब्लिक च्वाइस भिडियो’, सृष्टि कला सिग्देल ‘मस्ट अप्टिमिस्टीक’, रोजी ब्लोन ‘मस्ट डिलाइटफुल’, रेनु गहतराज ‘मस्ट चार्मिङ’, कोपिला परियार ‘मस्ट डिलिजेन्ट’, सविना ब्लोन ‘मस्ट डेडिकेटेड’ र उर्वशी श्रेष्ठ ‘मस्ट एक्टिभ’ घोषित भए ।
हिमानी सुब्बाको कोरियोग्राफी रहेको प्रतियोगिताका दर्जन प्रतियोगीहरुले तिन सातासम्म व्यक्तित्व विकास, बोलीचाली अभ्यास, स्टेजको प्रस्तुती, क्याटवाक, फोटोसुट, भिडियोसुटलगायतका विविध विषयहरूमा तालिम लिएका थिए । प्रतियोगिताको निर्णायकमा अभिनेता एवम् मोडल एसराज गराच, फेशन डिजाइनर सुक्निता चौलागाई, ‘मिसेस डिभा नेपाल २०२२’ हेमा योञ्जन, ‘मिसेस नोवेल नेपाल २०२२’ शर्मिला थापा र ‘मिसेस डिभा २०२४ सन्तु लामा’ थिए ।
