काठमाडौं । भ्यालेन्टाइन डेको अवसर पारेर आगामी फागुन २ गते फिल्म ‘दुःखी आत्मा’ रिलिज हुने भएको छ । फिल्मका निर्देशक दीपेन्द्र लामाले सामाजिक सञ्जाल फेसबुकमार्फत फिल्म फागुन २ गते अर्थात फेब्रुअरी १४ मा रिलिज हुने जानकारी दिएका हुन् ।
फिल्म ‘दुःखी आत्मा’ अहिले पोस्टप्रोडक्सनमा छ । ‘छ माया छपक्कै’, ‘नाङ्गो गाउँ’, ‘२ नम्बरी’ जस्ता फिल्मका निर्देशक दीपेन्द्रको फिल्ममा दयाहाङ राई, आँचल शर्मा, अनुपविक्रम शाही, बुद्धि तामाङ, रेअर राईलगायतको अभिनय छ ।
फिल्मको निर्माता हिमाल कडरिया हुन् । कार्यकारी निर्मातामा भने सुदीप ढकाल छन् । यसमा आलोक शुक्लाको छायांकन छ ।
