काठमाडौं । गायिका समिक्षा अधिकारीको स्वरमा रहेको नयाँ गीतिकथा ‘जुनेली’ सार्वजनिक भएको छ । गीतिकथा १७ मिनेटको छ । कथामा बगाइएको कारण गीतको अडियो र भिडिओ उत्कृष्ट बनेको देखिन्छ । गीतमा गोविन्द भट्टका शब्द छन् । गोविन्दले लेखेका शब्द र बाबुल गिरीले भरेको संगीतले मिठास भरेको छ । त्यसमाथी समिक्षाको स्वरले गीतलाई आनन्दीत बनाएको छ ।
भिडिओ १५ मिनेट लामो छ । भिडिओमा लोकप्रिय कलाकार प्रेम सुब्बा, कबिता आले, सुबास गजुरेल, गोविन्द भट्ट, रिना गुरुङ र जासा घलेले अभिनय गरेका छन् । उत्सव दाहालले खिचेको भिडिओलाई देवेन्द्र पाण्डेले निर्देशन गरेका छन् । देवेन्द्रको निर्देशकिय कलाले भिडिओ राम्रो बनेको देख्न सकिन्छ ।
उनले भिडिओको बिच बिचमा प्रयोग गरेको गीतले भिडिओ अझ मिठास हुन गएको छ । भिडिओलाई साहिल खानले सम्पादन गरेका हुन् भने राजेन्द्र मोक्तानले कलर गरेका छन् । यस्तै भिडिओमा ब्याकग्राउण्ड म्युजिकको काम शैलेस श्रेष्ठले गरेका छन् ।
जुनेलीमा गोविन्दले लेखेका शब्द यतिबेला टिकटकमा छरिएका छन् । बिशेषगरी भिडिओ सार्वजनिक अगावै अडियो प्लेफर्मबाटै गीत धेरैले सेयर गरिरहेका छन् । यो देख्दा गोविन्द निकै खुसी छन् । उनले आफूले लेखेका शब्द खोजि खोजि दर्शकले टिकटक बनाएको देख्दा आफूलाई थप उर्जा मिलेको बताएका छन् । साथै गोविन्दले यस गीतका लागी आफूहरुले निकै मिहिनत गरेको बताएका छन् ।
गीतको भिडिओ छायांकनका लागी धादिङको गणेश हिमाल छेउसम्म पुगेको उनी बताउँछन् । गोविन्द्रले लेखेको गाउँले ठिटो गीत अभिनेता राजेश हमालले गाइसकेका छन् । उक्त समयमा त्यो गीतको चर्चा पनि भएको थियो । यस्तै ‘तैंका ठमक’, ‘सानै छ उमेर’, ‘सुन माया’ लगायतका दुईदर्जन गीत उनले लेखिसकेका छन् ।
