काठमाडौँ । निर्देशक राजु गिरीले निर्माण गर्न लागेको नयाँ फिल्म ‘डल्लेले इन्ट्री मार्यो’को स्क्रिप्ट पुजा गरिएको छ । फिल्मको हिजो शनिबार भद्रकाली मन्दिरमा स्क्रिप्ट पुजा गरिएको हो ।
निर्देशक गिरीका अनुसार उसा फिल्मसको ब्यानरबाट निर्माण हुने फिल्मको छायाङ्कन फागुन पहिलो साताबाट सुरु हुनेछ । सौराहा र दोलखामा छायांकन हुने फिल्ममा आशिक बस्नेत, आदर्श बस्नेत र निर्मला बस्नेत निर्माता छन् । फिल्ममा बाबुल गिरी र रिमेशकुमार थापाको सङ्गीत रहने छ । फिल्मको कलाकार र प्राविधिक फाइनल हुन बाँकी रहेको निर्देशक गिरीले जानकारी दिए ।
लक्ष्मण सुवेदीको पटकथा तथा संवाद पुनः लेखन रहेको फिल्म २०८२ सालको लक्ष्मीपूजामा रिलिज हुनेछ ।
