काठमाडौं । लोक तथा दोहोरी गायक प्रकाश कटुवाल नयाँ गीत ‘घोडा चढेर’ लिएर दर्शकमाझ आएका छन् । यो गीतको भिडियोलाई गायक कटुवालले आफ्नै प्रकाश कुटवाल अफिसियल युट्युव च्यानलबाट रिलिज गरेका हुन् ।
काँठो भाकाको यो गीत निकै रमाईलो छ । यो गीत रोमाञ्चकसँगै नृत्य प्रधान शैलीमा तयार गरिएको छ । गीतमा गायक प्रकाश कटुवाललाई महिला स्वरमा गायिका दुर्गा सापकोटाले साथ दिएकी छिन् ।
माघ महिना सुरु हुँदैगर्दा अविवाहितका लागि गीतबाटै विवाहको प्रस्ताव राख्न सहज होस भनेर यो रमाईलो गीत सार्वजनिक गरिएको गायक प्रकाश कटुवालले बताएका छन् । गीतमा मन परेको प्रेमीकालाई घोडा चढेर जन्तीसहित आएर केटाले लाने कुरा गरिएको छ ।
यो माधुर्य गीतलाई विनोद ढकालले लेखेका हुन् । गीतमा संगीत भने गायक प्रकाश कटुवाले नै सृजना गरेका छन् । यो गीतमा संगीत सँयोजन कमल सुरागको छ भने कुमार रानाले मिक्सिङ र मास्टरिङ गरेका हुन् । गीतलाई मारुनी स्टुडियोमा रेकर्ड गरिएको हो ।
विवाहको लागि सजाईएको जस्तो सुन्दर देखिएको घरको आँगनमा बसेर दोहोरी खेल्दै यो गीतको भिडियोलाई त्यत्तिकै रमाईलो बनाईएको छ । गीतमा केटाले केटी पक्षलाई बेहुली बन्न प्रस्ताव राखिएको छ । तर केटी पक्षले विभिन्न बहाना गरेको देखिन्छ । गायनसँगै मोडलहरुको नृत्य आकर्षक बनेको छ ।
यो गीतको भिडियोलाई काजिश श्रेष्ठको कोरियोग्राफी र निर्देशन मा काजिश गरेका हुन् । जसमा काजिश श्रेष्ठसँगै लोमस शर्मा, गीता ढुंगाना र यशु भट्टराइको मुख्य भूमिका रहेको छ । गीतको भिडियोमा अन्य कलाकारको पनि नृत्य एवम् अभिनय रमाईलो छ ।
गीत घोडा चढेरको भिडियोमा दुर्गा पौडेलको छायांकन, दिपक विष्टको सम्पादन रहेको, सरिता मगरको सृंगार रहेको छ । गीत र भिडियोलाई स्मृति म्युजिक प्रा।लि।ले निर्माण गरेको हो ।
