काठमाडौं । गायिका निर्मला घिमिरे ‘निरु’को स्वरमा ‘टुक्रिएको मुटु’ बोलको गीत सार्वजनिक भएको छ । वियोगान्त भावको गीत कृष्ण बुढाथोकीले लेखेका हुन् भने संगीत डाक्टर किराँतले दिएका हुन् ।
यस्तै गीतको एरेन्ज तथा मिक्सिङ एवं मास्टरिङ सागर संसारले गरेका हुन् । गीतले प्रेममा आघात पाएकी एक नारीको पीडा व्यक्त गर्छ ।
गीतको भिडियो निर्देशक सबिर श्रेष्ठले निर्देशन गरेका हुन् । श्रेष्ठ निर्देशित गीतमा टिकटकबाट चर्चित बनेकी र पछिल्लो समय कमेडी दरबारबाट छाएकी मिस पबी, रमेश चन्द सोडारीको साथमा झरना रिसालको अभिनय गरेकी छन् ।
गीतमा शिव ढकालको छायांकन, रामप्रसाद चौधरीको सम्पादन तथा रंग संयोजन छ । यस्तै भिडियोका निर्माता गायिका घिमिरे र रंग एन पौडेल हुन् भने कार्यकारी निर्मातामा गोपाल कटुवाल रहेका छन् ।
